गुरुपौर्णिमेनिमित्त चिक्कलगी भुयार येथे विविध धार्मिक कार्यक्रमांचे आयोजन

गुरुपौर्णिमेनिमित्त बुधवार, दि. २९ जुलै रोजी चिक्कलगी भुयार मठ येथील वैराग्यसंपन्न श्री संत बागडेबाबा मंदिरात विविध धार्मिक कार्यक्रमांचे आयोजन करण्यात आले आहे.
सकाळी अभिषेक व महापूजा होणार असून, त्यानंतर सकाळी ९ ते १२ या वेळेत हरिनाम कीर्तन सोहळा आयोजित करण्यात आला आहे. दुपारी १२ वाजता चिक्कलगी भुयार मठाचे मठाधिपती ह.भ.प. तुकाराम बाबा महाराज यांचे काल्याचे कीर्तन होणार आहे.
गुरुपौर्णिमेनिमित्त आयोजित या धार्मिक सोहळ्यास श्री संत बागडेबाबांचे भाविक, ह.भ.प. तुकाराम बाबा महाराज यांचे अनुयायी तसेच परिसरातील नागरिकांनी मोठ्या संख्येने उपस्थित राहून कार्यक्रमाचा लाभ घ्यावा, असे आवाहन श्री संत बागडेबाबा चिक्कलगी भुयार मठ व श्री संत बागडेबाबा मानव मित्र संघटना, महाराष्ट्र राज्य यांच्या वतीने करण्यात आले आहे.