गोखळी-तरंगवाडीत तुकोबांच्या पालखी सोहळ्यानिमित्त भव्य मोफत आरोग्य शिबिर

जगद्गुरू संत तुकाराम महाराज पालखी सोहळ्याचे औचित्य साधून IMA इंदापूर आणि इंदापूर मेडिकोज असोसिएशन यांच्या संयुक्त विद्यमाने गोखळी-तरंगवाडी येथे भव्य मोफत आरोग्य शिबिराचे आयोजन करण्यात आले.

या शिबिरात पालखी सोहळ्यातील हजारो वारकरी आणि स्थानिक नागरिकांची मोफत तपासणी करून तज्ज्ञ डॉक्टरांकडून सल्ला व मोफत औषधे देण्यात आली.

यावेळी बोलताना IMA अध्यक्ष डॉ. अभिजीत ठोंबरे म्हणाले, "वारकऱ्यांच्या रूपातील विठ्ठलाची सेवा करणे हीच खरी भक्ती आहे. शरीरासोबतच मनाच्या आरोग्यासाठी भक्तीमार्ग सर्वश्रेष्ठ आहे."

शिबिरात डॉ. सागर दोशी, डॉ. अमोल रासकर, डॉ. अश्विनी ठोंबरे, डॉ. अनुजा दोशी यांच्यासह 30 हून अधिक डॉक्टरांनी सेवा दिली.
शिबिर यशस्वी करण्यासाठी डॉ. कल्पना खाडे आणि डॉ. अतुल वणवे यांनी पुढाकार घेतला.

विष्णुपंत मकर, माऊली वाघमोडे, लक्ष्मण हरणावळ सर, प्रदीप पोळ यांच्या सहकार्याने शिबिर शिस्तबद्ध पार पडले. डॉक्टरांचा गोखळी ग्रामस्थांच्या वतीने सन्मानही करण्यात आला.

वारकऱ्यांनी डॉक्टरांच्या सेवेबद्दल समाधान व्यक्त केले.