शिक्षण क्षेत्रात उल्लेखनीय कार्य करणाऱ्या आणि मराठी साहित्याचा गाढा अभ्यास असणाऱ्या दहिवडी कॉलेजच्या प्रा. डॉ. सौ. अनुराधा जानकर यांना ‘बी द चेंज फाउंडेशन, कोपरगाव’ यांच्या वतीने दिला जाणारा अत्यंत प्रतिष्ठेचा 'राष्ट्रीय आदर्श शिक्षक पुरस्कार' प्रदान करण्यात आला आहे. शिर्डी येथे दिनांक ७ जून २०२६ रोजी आयोजित एका दिमाखदार सोहळ्यात कर्नल भंडारी यांच्या शुभहस्ते डॉ. जानकर यांना हा गौरव प्राप्त झाला.
प्रा. डॉ. अनुराधा जानकर या गेल्या १५ वर्षांपासून शिक्षण क्षेत्रात अविरतपणे ज्ञानदानाचे पवित्र कार्य करत आहेत. सध्या त्या दहिवडी कॉलेजमध्ये कार्यरत असून, त्यांनी आपल्या अध्यापन कौशल्याने अनेक विद्यार्थी घडवले आहेत. अत्यंत बिकट आणि स्पर्धात्मक क्षेत्रात त्यांनी आपले स्थान निर्माण केले आहे.
डॉ. जानकर यांचे मराठी विषयावर प्रचंड प्रभुत्व असून त्यांनी पीएच.डी. (Ph.D.), सेट (SET), आणि नेट (NET) या उच्च शैक्षणिक पदव्या संपादन केल्या आहेत. केवळ अध्यापनच नव्हे, तर संशोधन क्षेत्रातही त्यांचे मोठे योगदान आहे. विविध नामवंत लेखकांच्या पुस्तकांची अभ्यासपूर्ण समीक्षा केली आहे.वेगवेगळ्या जर्नलस मध्ये शोधनिबंध सादर केले आहेत.शिर्डी येथील या सोहळ्याला अनेक मान्यवर आणि शिक्षण क्षेत्रातील दिग्गज उपस्थित होते. डॉ. अनुराधा जानकर यांना मिळालेल्या या राष्ट्रीय पुरस्कारामुळे दहिवडी कॉलेजच्या शिरपेचात मानाचा तुरा रोवला गेला असून, संपूर्ण सातारा जिल्ह्यातून आणि शैक्षणिक वर्तुळातून त्यांच्यावर अभिनंदनाचा व कौतुकाचा वर्षाव होत आहे.
⚡ ब्रेकिंग NEWS