आदर्श सांसद ग्राम एनकुळच्या सुपुत्राचा राज्यस्तरीय गौरव

अरुण भगवान खरमाटे यांना आधार फाउंडेशनचा "राज्यस्तरीय समाजभूषण पुरस्कार २०२६" जाहीर
राहुरी येथील आधार फाउंडेशनतर्फे दिला जाणारा प्रतिष्ठेचा "राज्यस्तरीय समाजभूषण पुरस्कार २०२६" आदर्श सांसद ग्राम एनकुळ येथील सुपुत्र श्री अरुण भगवान खरमाटे यांना जाहीर करण्यात आला आहे. समाजहित, जनसेवा, सामाजिक बांधिलकी आणि विविध क्षेत्रातील उल्लेखनीय योगदानाची दखल घेत हा मानाचा पुरस्कार त्यांना प्रदान करण्यात येणार आहे.
श्री अरुण भगवान खरमाटे यांनी आपल्या कार्यातून समाजातील विविध घटकांसाठी सातत्याने योगदान देत सामाजिक क्षेत्रात वेगळी ओळख निर्माण केली आहे. त्यांच्या कार्यामुळे अनेकांना प्रेरणा मिळाली असून समाजाप्रती असलेली त्यांची निष्ठा आणि सेवाभाव याचा गौरव म्हणून आधार फाउंडेशनने त्यांची या पुरस्कारासाठी निवड केली आहे.
या पुरस्काराच्या घोषणेनंतर एनकुळ ग्रामस्थ, मित्रपरिवार आणि विविध सामाजिक संस्थांकडून श्री खरमाटे यांच्यावर अभिनंदनाचा वर्षाव होत आहे. त्यांच्या या यशामुळे संपूर्ण परिसराच्या शिरपेचात मानाचा तुरा रोवला गेला असून गावाच्या नावलौकिकात भर पडली आहे.
आधार फाउंडेशनच्या वतीने लवकरच आयोजित करण्यात येणाऱ्या राज्यस्तरीय पुरस्कार वितरण सोहळ्यात त्यांना सन्मानित करण्यात येणार आहे.
श्री अरुण भगवान खरमाटे यांचे "राज्यस्तरीय समाजभूषण पुरस्कार २०२६" जाहीर झाल्याबद्दल हार्दिक अभिनंदन व पुढील वाटचालीसाठी मनःपूर्वक शुभेच्छा!