राष्ट्रवादी काँग्रेस विचार मंचाच्या पुणे शहर जिल्हाध्यक्षपदी दीपक भोंई यांची नियुक्ती

| पुणे.प्रतिनिधी
राष्ट्रवादी काँग्रेस विचार मंच (महाराष्ट्र प्रदेश) यांच्या वतीने असंघटित कामगार आघाडीच्या पुणे जिल्हा (शहर) जिल्हाध्यक्ष पदावर श्रीयुत दीपक उत्तम भोंई यांची नियुक्ती करण्यात आली आहे. या नियुक्तीचे पत्र राज्य प्रमुख विलास पारखे यांच्या हस्ते प्रदान करण्यात आले.
दीपक भोंई यांनी सामाजिक, कामगार व जनहिताच्या प्रश्नांवर सातत्याने केलेल्या कार्याची दखल घेत त्यांच्यावर ही महत्त्वाची जबाबदारी सोपविण्यात आली आहे. त्यांच्या नेतृत्वाखाली असंघटित कामगारांचे प्रश्न प्रभावीपणे मांडले जातील तसेच राष्ट्रवादी काँग्रेस विचार मंचाची ध्येय-धोरणे तळागाळापर्यंत पोहोचवून संघटन अधिक मजबूत होईल, असा विश्वास पदाधिकाऱ्यांनी व्यक्त केला.
यावेळी दीपक भोंई यांनी पक्ष नेतृत्वाचे आभार मानत, "संघटनेने दिलेल्या विश्वासाला पात्र ठरत कामगारांचे प्रश्न सोडविण्यासाठी आणि पक्ष संघटना अधिक बळकट करण्यासाठी पूर्ण क्षमतेने कार्य करणार," अशी ग्वाही दिली.
त्यांच्या नियुक्तीबद्दल विविध राजकीय, सामाजिक आणि कामगार क्षेत्रातील मान्यवरांनी त्यांचे अभिनंदन करून पुढील कार्यासाठी शुभेच्छा दिल्या.