जळगाव प्रतिनिधी :- गुन्ह्यातील आरोपीला अटक न करण्याच्या मोबदल्यात एका खासगी पंटरमार्फत २० हजार रुपयांची लाच मागितल्याप्रकरणी भुसावळ तालुका पोलिस ठाण्यातील हवालदार महेश एकनाथ चौधरी यांना तडकाफडकी निलंबित करण्यात आले आहे. जिल्हा पोलिस अधीक्षक श्रीकांत धिवरे यांनी ३० सप्टेंबर रोजी निलंबनाचे हे आदेश काढले.
डिजिटल रेकॉर्डरमुळे गुपित उघड:
भुसावळ तालुका पोलिस ठाण्यात दाखल असलेल्या एका गुन्ह्यात आरोपीला अटक टाळण्यासाठी हवालदार महेश चौधरी यांच्या सांगण्यावरून त्यांच्या खासगी पंटरने तक्रारदाराकडे २० हजार रुपयांची लाच मागितली होती. लाचेची रक्कम प्रत्यक्ष स्वीकारली नसली, तरी ३ ऑगस्ट रोजी करण्यात आलेल्या लाच मागणी पडताळणी दरम्यान डिजिटल व्हाईस रेकॉर्डरमध्ये त्यांचे संभाषण रेकॉर्ड झाले. यावरून खासगी पंटरविरुद्ध गुन्हा दाखल करण्यात आला आहे.
बेजबाबदार वर्तनावर ठपका:
पोलिस खात्यात कार्यरत असताना हवालदार महेश चौधरी यांचे हे वर्तन अत्यंत बेजबाबदारपणाचे आणि बेशिस्तपणाचे असल्याचा ठपका ठेवत जिल्हा पोलिस अधीक्षकांनी त्यांच्यावर निलंबनाची कठोर कारवाई केली आहे.
⚡ ब्रेकिंग NEWS