शिवसेना उपजिल्हाप्रमुख महेश राणे आणि आचरा सरपंच जेरॉन फर्नांडिस यांचा आयर कुटुंबाला मदतीचा हात
👤 तुषार शिंगाडे सिंधुदुर्ग |
📅
01 June 2026 |
👁 225 Views
शनिवार ९मे रोजी सोसाट्याच्या वा-यासह आचरा येथे पडलेल्या अवकाळी मुसळधार पावसाने घराचे नुकसान झालेल्या श्रीमती मनीषा मनोहर आयर कुटुंबाला शिवसेना उपजिल्हाप्रमुख महेश राणे आणि आचरा सरपंच जेरॉन फर्नांडिस यांनी सोमवारी त्यांच्या निवासस्थानी भेट देत श्रीमती मनीषा आयर यांच्या कडे रोख आर्थिक मदत सुपूर्द केली.९मे रोजी झालेल्या अवकाळी वादळी पावसाने आयर यांच्या घरावर आंब्याचे झाड पडून घराचे मोठ्या प्रमाणात नुकसान झाले होते.संसार उघड्यावर आलेल्या आयर कुटुंबाची विदारक परिस्थिती समजल्यावर शिवसेना उपजिल्हाप्रमुख महेश राणे यांनी त्यावेळी तातडीने छप्परावर घालण्यासाठी ताडपत्रीही उपलब्ध करून दिली होती.त्यांच्या या सहकार्याबद्दल आयर कुटुंबाकडून धन्यवाद व्यक्त करण्यात येत आहे.
