पेट्रोल-डिझेल दरवाढीने आर्थिक कोंडीचे संकट

अपुऱ्या सोयीसुविधांमुळे वाढत्या महागाईशी दोन हात करण्याची वेळ अनेक दशकांपासून जव्हारकरांवर आली आहे. अशा परिस्थितीत पेट्रोल, डिझेल दरवाढीने नागरिकांना पुन्हा आर्थिक कोंडीचे संकट उद्भवले आहे. जव्हार तालुक्यातील आदिवासींवर पेट्रोल, डिझेलच्या दरात वाढ झाल्याने आर्थिक ताण वाढला आहे. शहरात पेट्रोलचा दर १०७.२४ रुपये तर डिझेल ९३.७८ रुपये प्रतिलिटरवर गेले आहे. १५ मेपासून लागू झालेल्या नव्या दरांमुळे वाहनधारकांना अधिक खर्च करावा लागत आहे. जव्हारमध्ये दरवाढीनंतरही पेट्रोलपंपांवर वाहनांची गर्दी दिसून येत आहे. अशातच एक पंप काही तांत्रिक अटी-शर्तीच्या पूर्तते अभावी बंद असल्याने उर्वरित दोन पंपावर याचा ताण येत आहे. त्यामुळे वाढलेल्या दरांबरोबर सुविधांअभावी नागरिकांमध्ये असंतोष आहे